蛇叔:「虹膜辨识我最Buy!规格略欠惊喜」 Samsung


46人参与 |分类: H生活权|时间: 2020-08-03
蛇叔:「虹膜辨识我最Buy!规格略欠惊喜」 Samsung

Samsung下半年旗舰Galaxy Note 7快将于9月2日公开发售,我知好多人都谂住等嗰时入手,不过呢部Note 7同上半年嘅S7 Edge规格、功能各方面实际差几多呢?想知Note 7值唔值得买就要睇埋落去喇!

【设计】结合S7 Edge元素 手感舒适
今次Galaxy Note 7设计有几个重点,第一係曲面屏幕,第二係加咗防水。我谂外观大家都会联想到S7 Edge,两者都係曲面屏幕搭双面玻璃设计,不过相比之下佢曲面弧度少好多,感觉似「偷咗条边框」多过曲面。而大家最关心嘅操作性,首先手枕位误触机会比S7 Edge更轻微,视觉上会有边缘偏光嘅特徵,但正面会比「真.Edge」自然。讲到最大分别我会认为係手感,原因係Galaxy Note 7嘅中框改成置中设计,机背弧度因而增加,最终令5.7吋同5.5吋手感颇为接近,但Note 7就感觉坠手啲。最后讲埋支S-PEN,今次压感再倍增至4096级,规格已超越一般绘图板,不过体验较深係笔尖缩至0.7mm,写字感觉更似原子笔。

蛇叔:「虹膜辨识我最Buy!规格略欠惊喜」 Samsung
◆ Note 7手握感觉贴服,单手操作尚算容易。蛇叔:「虹膜辨识我最Buy!规格略欠惊喜」 Samsung
◆ Note 7 (下) 边缘弧度明显比S7 Edge (上) 细。蛇叔:「虹膜辨识我最Buy!规格略欠惊喜」 Samsung
◆ Note 7屏幕为5.7吋,但体积同5.5吋S7 Edge接近。蛇叔:「虹膜辨识我最Buy!规格略欠惊喜」 Samsung
◆ 机底设3.5mm、USB-C及S-Pen笔槽。蛇叔:「虹膜辨识我最Buy!规格略欠惊喜」 Samsung
◆ Note 7中框属置中设计,机背边缘弧度增加令手感更贴。 蛇叔:「虹膜辨识我最Buy!规格略欠惊喜」 Samsung
◆ 由于边缘弧度较细,横向睇片会尤如无边框。蛇叔:「虹膜辨识我最Buy!规格略欠惊喜」 Samsung
◆ 笔尖更幼写字感觉更自然。蛇叔:「虹膜辨识我最Buy!规格略欠惊喜」 Samsung
◆ 设计已防止倒转插入S-PEN。

【规格】S7 Edge同级配置 胜在64GB ROM
千呼万唤!好多人都期望Galaxy Note 7有6GB RAM,可惜香港版最终暂时只有4GB版本。规格大致同Galaxy S7、S7 Edge相同,一样係Qualcomm Snapdragon 820处理器、有Dual SIM但跟microSD共享卡槽,唯一差异係储存容量一开始就畀够64GB ROM,就算插Dual SIM都唔怕好快冇位。至于安兔兔测试成绩,Galaxy Note 7录得约12-14万分,成绩跟其他Snapdragon 820差不多。热量明显比S7 Edge低,开咗《Real Racing 3》大约10分钟,主要发热位置都不过係30度,手触几乎感觉唔到暖意。最后打机方面,呢个级数配置玩game梗係冇问题,但试用期间发现部分游戏如《白猫Project》开始时会窒一窒然后顺返,类似情况喺其他机包括S7 Edge从未出现过。上述问题会喺【电量】部分继续跟进。

蛇叔:「虹膜辨识我最Buy!规格略欠惊喜」 Samsung

蛇叔:「虹膜辨识我最Buy!规格略欠惊喜」 Samsung
◆ 搭载Qualcomm Snapdragon 820及4GB RAM。蛇叔:「虹膜辨识我最Buy!规格略欠惊喜」 Samsung
◆ 安兔兔录得约12万-14万分。蛇叔:「虹膜辨识我最Buy!规格略欠惊喜」 Samsung
◆ 64GB ROM实际可用约52.2GB。蛇叔:「虹膜辨识我最Buy!规格略欠惊喜」 Samsung
◆ 4GB RAM闲置时有近1.8GB Free RAM。蛇叔:「虹膜辨识我最Buy!规格略欠惊喜」 Samsung
◆ 开住《Real Racing 3》约10分钟,发热位置测温得29.4度。

【功能】虹膜辨识效果远胜指纹辨识
规格同防水之外,以下短片示範的亦係Galaxy Note 7新功能,当然并唔係每一项都咁实用,好似「水中使用S-Pen」我就唔太识欣赏,反而最冇乜期望嘅「虹膜辨识」惊喜最大,要知道前有眼球翻页后遗症,效果远比指纹快同準,不论日夜使用,定佩戴眼镜均不受影响,唯独係行路时辨识要花多1-2秒,跟眼睛越贴近效率越高。另一项係Note 5已经引入嘅「Screen-Off Memo」加强版,配合「Always On Display」写完嘅笔记直接钉喺黑屏上,除咗更易翻睇,仲加埋app提示及音乐播放器遥控,的确减少咗无谓开关芒动作。佢仲有几项低调嘅新功能,包括「防蓝滤镜」、「荧幕解像度」及「影片增强工具」,头两款应该唔难理解,最后一个其实即係影片HDR模式,可于影片播放程式上使用。

蛇叔:「虹膜辨识我最Buy!规格略欠惊喜」 Samsung
◆ 新增调整解像度功能,主要用嚟减轻系统负担悭电。蛇叔:「虹膜辨识我最Buy!规格略欠惊喜」 Samsung
◆ 「影片增强工具」其实係为影片加入HDR效果。蛇叔:「虹膜辨识我最Buy!规格略欠惊喜」 Samsung
◆ 蓝光滤镜睇图应该唔会唔明吧!

【介面】新介面更简化
点解要单开一段讲介面?事关Galaxy Note 7成个介面唔同晒,基本嘅话icon会变晒圆边框、颜色更简洁,文字icon比例细咗,而下拉式选单就冇晒圆底包边,观感简约不少。不过改动最大其实係设定页面,除咗icon转晒款,成版风格有少少似华为,而华为又似iPhone,里面选项都有重新组合过,例如网络相关嘅放晒落「连接」,电量、储存空间、RAM就放晒落「装置维护」,整体嚟讲係比之前易睇咗,但需要花些少时间重新习适应。

蛇叔:「虹膜辨识我最Buy!规格略欠惊喜」 Samsung
◆ Icon预设改晒做圆边框。蛇叔:「虹膜辨识我最Buy!规格略欠惊喜」 Samsung
◆ 拉下选单再冇圆底包住,比例亦更细。蛇叔:「虹膜辨识我最Buy!规格略欠惊喜」 Samsung
◆ 设定选单属相同风格,但重点係选项重新组合排列。蛇叔:「虹膜辨识我最Buy!规格略欠惊喜」 Samsung
◆ 新组合中「装置维护」一个包晒电量、储存空间、RAM及安全性,的确更方便。蛇叔:「虹膜辨识我最Buy!规格略欠惊喜」 Samsung
◆ Icon提供选项变返旧风格。

【相机】暗位杂讯微微改善
一如所料Galaxy Note 7用返Galaxy S7嘅1,200万像素Dual Pixel主镜头,虽然面世半年多,但对焦速度仍然係咁多牌子之冠,质素亦同Galaxy S7 Edge不相百仲。当然对比Note 5进步明显,但作为新旗舰比较失望係冇追加新拍摄功能,手动快门依旧最长10秒,简化介面后操作似乎反而冇咁弹性。

蛇叔:「虹膜辨识我最Buy!规格略欠惊喜」 Samsung
◆ Note 7放大后电梯上杂讯相对更轻微,线条亦较锐利。(ISO 200, F1.7, 1/11s, 焦点: 电梯旁告示板)蛇叔:「虹膜辨识我最Buy!规格略欠惊喜」 Samsung
◆ S7 Edge其实同Note 7 好接近,但杂讯好似粗少少。(ISO 250, F1.7, 1/10s, 焦点: 电梯旁告示板)蛇叔:「虹膜辨识我最Buy!规格略欠惊喜」 Samsung
◆ 扫左会显示拍摄模式,扫右就係特效。蛇叔:「虹膜辨识我最Buy!规格略欠惊喜」 Samsung
◆ 手动模式中快门最长仍维持10秒。蛇叔:「虹膜辨识我最Buy!规格略欠惊喜」 Samsung
◆ 新旧介面比较会见到「解像度」同「计时」会删去,而「特效」就改为扫右。

【电池】打机反而更襟玩?
最后睇埋续航力,今次Galaxy Note 7会内建3,500mAh电池,虽然比Note 5增长500mAh,但容量仍稍微落后S7 Edge。在同样搭载Snapdragon 820情况下,日常使用唔点打机由满电到剩20%大约9-10个钟,续航力同S7 Edge唔差得远。不过之后做咗次《Pokemon Go》实验,结果係Note 7反而比S7 Edge耐玩多45分钟,由此推论Note 7会喺高用量时作性能调整。呢点间接解释到点解《白猫Project》开始时会先窒一窒再顺,但firmware可以控制得再好啲吧。不过相比近排啲「核电」机种,经常打机始终带番「尿袋」稳阵。

至于充电,虽然Galaxy Note 7改用USB-C介面,但充电规格仍维持Quick Charge 2.0,火牛亦跟之前一样係9V 1.67A输出,所以效率唔觉同Galaxy S7 Edge有大分别。

蛇叔:「虹膜辨识我最Buy!规格略欠惊喜」 Samsung
蛇叔:「虹膜辨识我最Buy!规格略欠惊喜」 Samsung
蛇叔:「虹膜辨识我最Buy!规格略欠惊喜」 Samsung
◆ 省电模式选项增加,可以调整解像度及最高背光亮度。

蛇叔:「虹膜辨识我最Buy!规格略欠惊喜」
Galaxy Note 7作为本年旗舰机种,功能对比Note 5同Galaxy S7係有进步,特别係虹膜辨识真係非常方便。不过综合咁睇,我会觉得硬件嗰边冇乜惊喜,一来香港冇6GB RAM版本,二来规格跟Galaxy S7 Edge近乎完全相同,好似冇咩提升过,唯一庆幸就係再冇32GB版本。定价方面,$6,198肯定属于偏贵,不过咁贵预售都转眼售罄,唯一解释係上半年同级真係冇咩对手,相反我认为最大威胁唔係来自其他品牌,而係自家嘅Galaxy C7。

蛇叔:「虹膜辨识我最Buy!规格略欠惊喜」 Samsung

Samsung Galaxy Note 7规格:
网络:GSM、WCDMA、TDD-LTE、FDD-LTE、TD-SCDMA
作业系统:Android 6.0
屏幕:5.7吋Super AMOLED(2,560 x 1,440像素)
处理器:Qualcomm Snapdragon 820
记忆体:4GB RAM
储存空间:64GB(支援200GB microSD 共享卡槽)
镜头:1,200万像 Dual Pixel F1.7 OIS 连LED 补光灯(后置)、500万像 F1.7(前置)
电量:3,500mAh (内嵌式)
其他功能:Wi-Fi 802.11 a/b/g/n/ac、蓝牙4.2、GPS、NFC、指纹辨识、虹膜辨识、24bit/192KHz音乐播放
体积:153.5 x 73.9 x 7.9 mm
重量:169g

查询: Samsung (电话: 3698 4698)

定价: $6,198