蛇叔:「规格唔及Android机 但iOS体验完胜」iPho


27人参与 |分类: 了解民生|时间: 2020-08-03
蛇叔:「规格唔及Android机 但iOS体验完胜」iPho

iPhone 7开卖咁耐一直被炒卖,作为用家除咗等就只能转投细机iPhone 7,不过冇3.5mm、电池容量又细啲,究竟自用会唔会中伏?蛇叔自己都买咗iPhone 7细银自用,而家顺便同大家分享下新机心得。

点解拣细机?
之前我同好多人一样谂住买iPhone 7 Plus,但点解最终会买咗部iPhone 7呢? 除咗因为IR唔洗争,更重要係iPhone 7 Plus个双镜头并非预期所想,其中最不能接受嘅係「两倍定焦镜头」由系统决定几时用。虽然佢係「2x」切换键,但唔够光嗰阵佢会用主镜头两倍数码变焦嚟代替副镜头,目的係确保质素,但变相等同废咗一半武功。我自己喺某连锁店Apple专柜试咗5次,其中得1次启用到副镜头,而且检查副镜头係咪运作更儿戏,一係靠拍摄后睇EXIF;一係用手指遮住副镜头,感觉极唔人性化。讲咁耐,都仲未计副镜头冇OIS同感光元件更细。即使后来追加人像景深功能,我都冇觉得几兴奋,Android机早就有吧!第二个理由好简单:5.5吋机嚟讲佢太大部。

蛇叔:「规格唔及Android机 但iOS体验完胜」iPho

相机质素有冇进步?
虽然iPhone 7 Plus个副镜头俾我负评,但难得买机自用当然要带埋佢周围影,初步试拍我认为主镜头效果比iPhone 6s好,特别係暗位表现分别极为明显。不过相比Galaxy Note 7/S7,我觉得iPhone 7细节仲係差咗啲,虽然Samsung有推高锐利度,另外对焦速度及唔上Dual Pixel。睇相而言,Samsung感觉係比较讨好,但饱和度偏高有时会偏离现实,而iPhone 7取向就比较贴近实景,简单嚟讲Samsung方便直出;而iPhone 7就多啲后製弹性。

蛇叔:「规格唔及Android机 但iOS体验完胜」iPho
◆ iPhone 7日景:颜色贴近现实,垃圾筒上文字都清楚见到,但感觉冇咁实净。蛇叔:「规格唔及Android机 但iOS体验完胜」iPho
◆ Note 7日景:颜色鲜艳,垃圾筒上文字清晰锐利。蛇叔:「规格唔及Android机 但iOS体验完胜」iPho
◆ iPhone 7夜景:颜色较淡,电梯细节都尚算清楚,但有少少油画。蛇叔:「规格唔及Android机 但iOS体验完胜」iPho
◆ Note 7夜景:电梯细节清楚锐利,颜色鲜艳,感觉亦较讨好。

蛇叔:「规格唔及Android机 但iOS体验完胜」iPho
蛇叔:「规格唔及Android机 但iOS体验完胜」iPho
蛇叔:「规格唔及Android机 但iOS体验完胜」iPho
蛇叔:「规格唔及Android机 但iOS体验完胜」iPho
蛇叔:「规格唔及Android机 但iOS体验完胜」iPho
蛇叔:「规格唔及Android机 但iOS体验完胜」iPho
蛇叔:「规格唔及Android机 但iOS体验完胜」iPho

有冇「滋滋」声?
辛辛苦苦买嚟自用当然唔想有咩问题喇!但有报导指iPhone 7同iPhone 7 Plus会传出电流声,我就检查咗自己部「细银」,发现执行GeekBench等测试时的确有咁嘅情况,不过音量极低,几乎要耳仔贴实机背先会听到,加上平时玩白猫都唔会发出「滋滋」声,所有我认为唔洗太担心。

蛇叔:「规格唔及Android机 但iOS体验完胜」iPho

3.5mm转插听歌音质係点?
今代iPhone最惹人非议係冇咗3.5mm介面,但其实佢都有跟条「3.5mm转线」俾各位发烧友用番自己对耳筒。我试过用Sony h.ear in分别插落iPhone 7同iPod Touch 5Gen度,音量唔觉大差别,但比较明显係iPhone 7用转线后高音较硬兼刺耳咗,个人锺意iPod Touch多啲。我亦试过直推Bose QC35,但两部机都唔太够力。 最后要提一下,iPhone 7听歌嗰阵係冇得充电,暂时解决方法係用蓝牙耳机、另购Belkin分插或买入Lightning转接器。

蛇叔:「规格唔及Android机 但iOS体验完胜」iPho

新旧Earpods音质有咩分别?
如果你听歌只係追求方便,其实佢都跟一对Lightning介面嘅EarPods,理论上转咗数码输出会更好声。我就搵齐新旧EarPods比较,新嗰对音量较大,Bass冇咁厚,但中高音感觉有点生硬,听得耐有啲辛苦;旧Earpods用转线后音量较细,但Bass较厚,中高音就较虚,个人而言会锺意旧多过新嗰对。

蛇叔:「规格唔及Android机 但iOS体验完胜」iPho

新喇叭啲声得唔得?
虽然iPhone 7冇咗3.5mm介面,但另一方面佢都有升级双声道喇叭,除咗底部,听筒位置亦係喇叭,设计同HTC 10新BoomSound相似。至于音量同音质,我觉得佢音量相当足够,睇片时唔洗手动校正,立体声效果已经好明显。而虽然佢有重低音效果,但感觉比HTC 10略为逊色,同埋播歌时部机会有轻微震动,当然幅度唔够整郁部机。

蛇叔:「规格唔及Android机 但iOS体验完胜」iPho

细机电池用到几耐?
除咗相机,好多人拣iPhone 7 Plus原因係贪佢有2,900mAh,续航力应该强啲,但咁就代表iPhone 7一定唔够用?我自己试用几日,除咗未装WhatsApp,Android过Data比较烦,其它app及日常用法都同我以前用Android机一样,结果80%电都用到9-10个钟。不过大家唔好忘记佢得1,950mAh,续航力我认为合格,但经常打机始终係带备「尿袋」或直接用Smart Battery Case稳阵。

蛇叔:「规格唔及Android机 但iOS体验完胜」iPho

蛇叔:规格唔及Android机 但iOS体验完胜
除咗冇3.5mm最困扰外,我对iPhone 7整体评价唔错,即使佢规格同相机唔及Android机,但iOS的确帮佢拉高好多分,无论开app速度、玩game顺畅度,以至续航力都令人感到满意,而且体验亦比我喺iPhone 5初次接触iOS时更易上手。唯一问题係WhatsApp转会几麻烦,我已经决定放弃俾钱过。总括嚟讲,iOS就係iPhone致胜关键,只能对Android讲一句继续努力。

蛇叔:「规格唔及Android机 但iOS体验完胜」iPho