蛇叔:「贵少少多个屏幕 值得!」- 小米手环2


67人参与 |分类: 了解民生|时间: 2020-08-03
蛇叔:「贵少少多个屏幕 值得!」- 小米手环2

小米正式宣布喺香港推出「小米手环2」,嚟梗6月28日会喺官网同csl.专门店有售,如果你都想知除咗多个屏幕仲有咩其他功能,就要睇吓我试咗几日嘅用后感喇!

【设计】多咗个屏幕 依然好轻巧
小米手环不经不觉已经出到第三款,虽然之前两款价钱平、续航力强,但总觉得唔够融入生活之中。不过嚟到「小米手环2」,使用体验终于有突破,原因唔係咩黑科技,而係佢终于喺面加返块OLED屏幕睇时间!收多你几十蚊当然唔会得咁少野嘅,除咗时间,佢仲可以睇埋步数同心率测试结果(电量、距离、卡路里须另行设定),换言之手带唔洗连手机都能够独立使用。至于设计,我觉得佢唔算好大分别,重点只係主体多咗OLED屏幕同轻触键,背面有心率感应器,手带质感同扣同上代差唔多。佩戴感觉仍算轻巧,但多个屏幕、轻触键后就需要按方向佩带,充电时鬆开主体再放到充电器,方法跟上代一样。

蛇叔:「贵少少多个屏幕 值得!」- 小米手环2
◆ 正面多咗个OLED屏幕及轻触键。蛇叔:「贵少少多个屏幕 值得!」- 小米手环2
◆ 手带设计改变不大。蛇叔:「贵少少多个屏幕 值得!」- 小米手环2
◆ 充电方式跟之前一样。蛇叔:「贵少少多个屏幕 值得!」- 小米手环2
◆ 背部有心率感应器。

【介面】竟然有app提示!
手机程式介面主要用嚟睇详细报告,但比较意外係佢竟然加入「app通知提醒」功能。虽然我未至于会幻想喺0.42吋屏幕睇讯息,但起码都有提示弹出嚟叫你睇,而且显示咩app仲可自订,但缺点係所有app都用同一个icon表示,拣太多就失去作用。不过我觉得两百蚊条手带有呢个功能係值得讚,但之后好似冇咩特别新功能,都係静音闹钟、久坐提示及屏幕解锁。

蛇叔:「贵少少多个屏幕 值得!」- 小米手环2
◆ 介面主页可以睇返详细报告。蛇叔:「贵少少多个屏幕 值得!」- 小米手环2
◆ 「智玩」栏目内有唔少附加功能。蛇叔:「贵少少多个屏幕 值得!」- 小米手环2
◆ 可选择任何app显示提示。蛇叔:「贵少少多个屏幕 值得!」- 小米手环2
◆ 坐得耐可以设定时间做下伸展运动。蛇叔:「贵少少多个屏幕 值得!」- 小米手环2
◆ 可以设定静音闹钟。蛇叔:「贵少少多个屏幕 值得!」- 小米手环2
◆ 可来电时作出震动提示。蛇叔:「贵少少多个屏幕 值得!」- 小米手环2
◆ 可选择协助手机解锁。

【使用体验】有屏幕带多咗 心率一定手动测
佩戴咗「小米手环2」约3-4日,相比旧「小米手环」我会更愿意用佢,原因係佢有屏幕,睇得返啲基本数据,唔似旧时每次都要打开程式睇,睇多两睇就无晒瘾,最后索性唔带。至于续航力,似乎唔太受屏幕影响,我用咗4日都係扣咗8%,平均每日扣1-2%,如果冇强逼症1个月充1次应该都得。可惜佢仍然有不足嘅地方,例如心率并非不停或定期测试,唔主动开等于冇用。其次係冇针对运动而设嘅模式,只能靠手带自行判断,感觉唔够弹性,但计步準确度感觉比之前改善唔少。

蛇叔:「贵少少多个屏幕 值得!」- 小米手环2
◆ 由星期五用到星期一电量扣咗8%左右。蛇叔:「贵少少多个屏幕 值得!」- 小米手环2
◆ 计步好似比之前準确,不至于好轻鬆过万步。蛇叔:「贵少少多个屏幕 值得!」- 小米手环2
◆ 心率须手动测试,而且我认为数值唔太準备。

【总结】蛇叔:贵少少多个屏幕 值得!
虽然「小米手环2」价钱贵「小米手环」差唔多一倍,但我试用后觉得呢一百蚊係物有所值,因为有屏幕睇返时间同步数真係好重要,之前乜都靠手机睇,搞到带一排就自然会摆埋一边,再者有屏幕唔连接手机都可以独立使用,某程度算唔算安全啲呢?

蛇叔:「贵少少多个屏幕 值得!」- 小米手环2

查询: 小米

定价: $199